السلام عليكم ورحمة الله وبركاتة.
صباح الخير .
أزيكو؟ عاملين إيه؟
أتوقع تدوينه اليوم راح تعجب كثيير بنات-
لاننا نتكلم عن محبوب الجماهير الشعر الطويل -قلوب-
بالنسبه لي الشعر الطويل يعني لي جداً مهما اقص شعري لازم اتحسف وارجع اطوله - ليه تقصين من الاساس؟؟
غالبا يا أحس اطرافه جافه أو اقصه عشان يطول أو لانه بدا يتقصف . كنت افكر الاسباب هذي كلها عشان الشعر يَطَول ما يوصل الطول اللي ابيه فيجف ويتعب
تقريباً ١٥ رمضان ارسلت لي صديقتي رابط هالتدوينه INVERSION METHOD أحس وانا اقراها عيوني قلوب من الحماس والفرحه كذا سكرتها وبلشت اسويها . بشرح لكم طريقتها بإختصار واللي يبي أكثر يفتح التدوينه الاصليه .
الفكره:
١/ نسوي مساج لفروة الرأس اربع دقايق بزيت دافي.
٢/بعدها نشقلب الراس اربع دقايق . -يعني ننزل الراس تحت بحيث ينزل له دم أكثر- مثلا ننسدح بس الراس ننزله من السرير أو ركوع والراس يكون منخفظ جداً .
٣/نكرر العمليه سبع ايام.
٤/طبعا نغسل الشعر خلالها عشان مايتساقط.
٥/ نقيس طول الشعر قبل البدايه ونقيسه بعد شهر من بدايه النظام هذا.
- أقترح ترجعون لتدوينه اللي حطيت لكم رابطها افضل عشان تفهمون اكثر وفيها صور توضيحيه وتجارب بالصور وكذا حماس يعني - وتدوينتي تجربه فقط.
تجربتي:
-اهدافي:
١/شعر صحي ولامع وحيوي وكذا جميل-ابغى اغسل شعري بشامبو واطلع بدون بلسم او ماسك وانا متأكدة انه راح يكون شعري جميل.
٢/الفراغات ، عندي فرقه من عرفت نفسي وانا احط شعري ع نفس الجهه مؤخراً صرت احسها تتوسع وضايق خلقي عشانها.
٣/يطول لكن ماقست طوله ماكان لي خلق انبهر مره هههههه . لا جديا ما كنت اتوقع يطول ٤سم بس كنت اتمنى ٢ سم .
سويت هالنظام شهرين من رمضان تقريبا ١٥ رمضان بديت فيه وشوال بديت فيه تقريبا ١٥ لكن شوي انشغلت وقطعت ورجعت اسويه اخر الشهر-شغل فوضوي
-تجربه شهر رمضان:
إستخدمت زيت النارجيل- جوز الهند .
تروشت ٤-٥ مرات مذكر بالضبط
الشي اللي تعبني تسخين الزيت هو لما يسخن ويلمس الفروه وهو بارد مو عارفه كيف احافط على حرارته لدرجة كنت اسوي يم الماكرويف ونفس الشي يبرد قبل احطه على فروتي .
الشي الثاني هو لما اشلقب راسي احس بكتمه والدم بينزل مع خشمي مدري ليه . بعد شعري يتعقد منها فقررت اربطه قبل اشقلب والحمدلله ماصار يتعقد زي اول.
-نتيجة شهر رمضان:
احس طال اكثر من ٢سم بس مو متأكده -لاني ماقست اساسا لكن لاحظت شعري طال
والشئ المبهر اللي صار شعري يلمع وحيوي واتروش واطلع ما احط كريم او مرطب لا جميل بنفسه واسوي ستريت وفير ولمعته جميله وتحسون الشعره صحيه وثقلت وهذا الشي اللي شجعني اكررها بشوال.وبالنسبه للفرقه نحفت الحمدلله وماصار زي اول احسها وسيعه .
-تجربه شهر شوال:
توني مخلصتها ف بدري اتكلم عنها لكن إنتظروها بكل التفاصيل اللي أهملتها بالمره الأولى .
نتيجة شهر شوال : -تحديث-
الطول تقريبا مو أكثر من واحد ونص لكن يا بنات الحيويه وتحسي شعرك شبعان أكل صحي مدري كيف بس ماتشيلين هم الشهاب والجفاف وحركات أسبوع الشجره تحسي شعرك متغذي صح. تقريباً آعتبره آكثر من نظام تطويل نظام تغذيه لشعر ما اعتقد ضاع تعبي فيه أبداً دلعوا شعوركم يابنات لايفوتكم
مؤخراً مع الدوام ماعندي وقت أسوي النظام لكن صرت أكل مكملات للعنايه بالشعر راح أنزل عنها تدوينه قريب بإذن الله
Twitter: norena92Instagram: norena.92
تعليقاتكم تسعدني 💓💓
حلوو رح اجربه😍😍😍
ردحذفبس ابغى اعرف المكملات اللي تستخدميها وهل نفعت معك؟؟
الله يقويك يارب ق١
حذفاخدت ماكسي هير شوفي منزله تدوينه عنها قبل وحقيقي حبيت نتيجتها لشعري جدا