هدية | أيش أتخصص؟ -لخريجات الثانوية-

السلام عليكم ورحمة الله وبركاته .


صباح/مساء الخير ..
 إجازة سعيدة خلصت إختباراتي وكنت أفكر بإختي الخريجه فاطمة وصديقتي حصة وكلامهم عن التخصص وأفكارهم بس قبل أتكلم عنهم أول شي نبارك لناجحين كلهم والمعطلين وأيضاً
مبروك للخريجات التخرج والنجاح وعقبال نجاح الاخرة يارب والله يجعل دراستكم في موازين حسناتكم  .

التخرج من الثانوي راح يسوي نقلة بحياة الاشخاص بشكل جذري أعتقد انه أول قرار مصيري يقررة الشخص "ايش أتخصص؟" عن نفسي ذا اصعب سؤال واجهة بحياتي مجرد ما اذكر انو احتمال ادرس خمس سنوات ولا اقدر اتوظف أو ادرس بقسم أكرهه ويتعبني أو ما أقدر أنجح وأتميز فيه شي متعب جداً ، طبعا أكيد الواحد يكون عندة خطة أوليه من قرر وش يدخل أدبي أو علمي لكن إحتمال بعد ما يتعمق بالمناهج يغير رايه أو يلاقي نفسه بتخصص وحاب يطور نفسه فيه . لكن الاشخاص اللي ماعندهم هذا التفكير ودخلوا على حسب مجموع درجاتهم ضروري يفكرون ايش حيسوو خلال ١٠ سنوات الجايه . 

مثال:بنت تحب الفنون وتبدع فيها لكن تحتاج تطور ونفسها وتفكر إنها راح تسوي مشاريع تجاريه بالمستقبل-هنا ببساطه تحتاج شهادة عشان تكون موثوقه + تحتاج تختار اي جامعه تدرس فيها وتكون شهادتها افضل بقسم الفنون ؟
النتيجه إنها تستخير وتسأل وتبحث عن أفضل جامعه بقسم  ـ الفنون - وتقرا تجارب خريجاته وكيف توظفوا وهل في وظايف موجودة غير المشاريع التجاريه؟ والمشاريع الشخصية؟ الاجوبه لهذي الاسئله هي اللي راح تقنعها يا إنها تقدم على قسم --- -الفنون - أو تغير رايها .


بهذا المثال البنت صار عندها تصور شبه كامل عن ايش راح تدرس خلال خمس سنوات وايش الوظايف المحتملة مو داخله ماتعرف شي بعدين تتخرج وتنصدم انو مالها مسمى وظيفي أو البلد مكتفي من قسمها ومافي احد يحتاج يوظف . وهذا موقع توجية إختاري ميلوك وراح يعطيك نبذة عن القسم ومعلومات وايش تحتاجين لدخوله والجامعات اللي يتوفر فيها القسم والوظائف المحتمله له ونسبه التوظيف فيها-هل أن، مطلوبه او لا صعب تلاقي وظيفه أو لا؟ إضغط هنا

طيب إحتمال الاغلب يقول كيف اعرف انو ذا التخصص الافضل بالجامعه الفلانية عن الجامعات الثانيه بكل بساطه إبحث و إبحث وإبحث وإسأل إذا مالقيت جواب في بعض الجامعات متميزه ببعض اقسامها لكن قطعاً-أكيد- مافي جامعة كل أقسامها مميزه لا مستحيل كل جامعة لها توجه أساسي يميزها عن غيرها -ومن خلال هذا الشي نقدر نختار ،
مثلا: هل أختار فيزياء بجامعة الملك سعود ولا الامام محمد ولا الاميرة نورة؟ طبعاً بجامعة الملك سعود ، طيب أدخل حاسب بأي جامعة؟ أكيد جامعة الامام طيب أكيد بتقولون الامام معروفه بالدين كيف نقول هنا نختار الحاسب؟ أقول بالامام خلال سنتين من الدراسه موادهم نفس مواد سعود خلال اربع سنوات دراسه-يعني دراستهم مكثفه وهذا شي مميز . وكذا بباقي التخصصات. وهذا موقع فيه خيار مقارنه بين الجامعات-جربته معلوماته ناقصه لكن إحتمال يفيد بجامعات غير اللي جربتها هنا

وفي حاجه لازم نحطها ببالنا هي عندي جامعة أبغاها فقط لانها ذا الجامعه حتى لو شهادتها مستواها ضعيف أو مو معتمدة دولياً هنا احب اقولك حلو إنك إختصرتي على نفسك بالبحث وهذا شي جيد لكن بنفس الوقت شي سيئ لانك احتمال تتندمين بعدين-بذات اللي عندها فكرة إبتعاث أو تتوظف بوظيفه مرموقة .

لكن مايمنع كون الجامعه غير معترف فيها أو شهادتها عاديه اني أتخصص فيها لاني راح ادرس خمس سنوات-أعتقدة وقت كافي ويتغير الحال- عاجبتك الجامعة؟ خاطرك فيها بس الكل يسبها ماعليك من أحد وإدخلي فيها لانها معجبتك أكيد راح تكون ألافضل بالنسبه لك . مو عارفه وش تخصصين بس ميولك تخصصات التربيه ؟ مو مشكله قدامك السنة التحضيريه كافيه إنك تقررين وش تتخصصين جامعة نورة وسعود السنة التحضيريه إجباريه بالامام ترم تحضيري إذا معدلك مرتفع تخصصتي إذا مو مرتفع خذيتي ترم ثاني إلا تخصص اللغه العربيه وأصول الدين والشريعة مافيهم سنة تحضيرية .

طيب لو مرره مالك ميول ولا عندك فكرة تتخصيين بأيش بكل بساطه دوري قسم مطلوب-مرغوب وله وظائف متاحة- وإدخليه لانك ع الاقل راح تستفيدين من دراستك-الأقسام المطلوبه غالبا تكون مجالات وظايفها أكبر -شركات-مدارس-مؤسسات-بنوك-مشاغل....إلى آخره.

-لقيت كتيب جميل تقريبا ٧٠ صفحه يتكلم عن" كيف تختار تخصصك الجامعي اساسيات هامة" . للامانه قريتة نصه جميل واسلوب الكاتب سلس ومبسط هنا .
-موضوع لطيف وجميييل لازم تقرونه "كيف تعرف ميولك وتختار تخصصك الجامعي المناسب لشخصيتك + 'اختبار خاص مصور' هنا .
-كيف تختار تخصصك في الجامعة إستراتيجيات تساعدك في ذلك هنا
-كيف تختار التخصص هنا
-مازلت غير متأكد أي تخصص تريد؟ إليك بعض النصائح هنا

والكثير تلاقونه بتويتات فهد  هنا الموضوع طبعاً إستفتدت من موضوعه هذا هنا كثير فلاتستغربون التكرار .

مالك خلق كل هالروابط بختصرها عليك وشوفي ذا الفديو مرره ممتع 

ناخذ لفه على الجامعة الحكوميه بالرياض واقسامها وتدخل اي تخصص [علمي ـ أدبي-تحفيظ قرأن-معهد النور]:
١- جامعة الامام محمد بن سعود الاسلامية. هنا
٢-جامعة الملك سعود. هنا
٣-جامعة الاميرة نورة . هنا

 طيب احتمال اعجبك مسمى قسم بس مو عارفه صعوبته أو هل هو مطلوب او اي سؤال ببالك شيكي على منتديات الجامعه
١-منتدى جامعة الإمام محمد بن سعود الاسلامية. هنا
٢-منتدى جامعة الملك سعود. هنا
٣-منتدى جامهة الأميرة نورة . هنا

والمطلوب من كل جامعه المعدل التراكمي والقدرات والتحصيلي:-

الجامعة	الكلية	معدل القبول (النسبة المركبة)
جامعة الأميرة نورة بنت عبد الرحمن	جميع الكليات ماعدا الكليات الصحية	60% للمعدل التراكمي العام في شهادة الثانوية العامة + 40% لاختبار القبول (20% القدرات + 20% التحصيلي)
	الكليات الصحية	30% للمعدل التراكمي العام في شهادة الثانوية العامة + 70% لاختبار القبول (30% القدرات + 40% التحصيلي)
جامعة الإمام محمد بن سعود الإسلامية	الكليات ما عدا مسار العلوم الصحية	60% للمعدل التراكمي العام في شهادة الثانوية العامة + 40% لاختبار القبول (20% القدرات + 20% التحصيلي)
	البرنامج التحضيري لمسار العلوم الصحية	( 30% لنسبة الثانوية العامة + 20% لدرجة اختبار القدرات + 40% لدرجة الاختبار التحصيلي + 10% درجة اختبار STEP+المقابلة وهي شرط أساسي للقبول)
جامعة الملك سعود	برنامج السنة التحضيرية للكليات الصحية	30% للمعدل التراكمي العام في الشهادة الثانوية العامة + 70% لاختبار القبول (30% القدرات + 40% التحصيلي)
	برنامج السنة التحضيرية للكليات العلمية والكليات الإنسانية	60% للمعدل التراكمي العام في شهادة الثانوية العامة + 40% لاختبار القبول (20% القدرات + 20% التحصيلي)
جامعة الملك سعود بن عبد العزيز للعلوم الصحية	كلية الطب كلية طب الأسنان كلية العلوم الطبية التطبيقية كلية التمريض	30% للمعدل التراكمي العام في شهادة الثانوية العامة + 70% لاختبار القبول (30% القدرات + 40% التحصيلي)

حساب النسبه المركبة هنا

تقويم التقديم :-

م	اليوم	التاريخ	الإجراء
1	الثلاثاء	6 / 9 / 1436 هـ	فتح بوابة القبول الإلكتروني للكليات التي تتطلب مقابلة شخصية وبقية التخصصات
2	الجمعة	9 / 9 / 1436 هـ	غلق بوابة القبول الإلكتروني للكليات التي تتطلب مقابلة شخصية فقط الساعة 12 ظهراً
3	الجمعة	9 / 9 / 1436 هـ	إعلام المرشحات للكليات الصحية عبر البوابة الإلكترونية
4	الأحد إلى الثلاثاء	11 / 9 / 1436 هـ إلى13 / 9 / 1436 هـ	مواعيد المقابلات الشخصية والاختبارات للمرشحات للكليات الصحية
5	الأربعاء	14 / 9 / 1436 هـ	الاطلاع عبر البوابة على نتائج القبول للكليات الصحية التي تتطلب اختبار أو مقابلة شخصية
6	الأربعاء	14 / 9 / 1436 هـ	السماح بإعادة ترتيب الرغبات لغير المقبولات بالكليات الصحية التي تتطلب اختبار أو مقابلة شخصية
7	الخميس	15 / 9 / 1436 هـ	غلق بوابة القبول الإلكتروني لكافة التخصصات الساعة 12 ظهراً
8	الجمعة	16 / 9 / 1436 هـ	إعلان نتائج القبول لجميع التخصصات
9	الأحد	18 / 9 / 1436 هـ	بدء إرسال الملفات عن طريق البريد الممتاز
10	الخميس	22 / 9 / 1436 هـ	آخر موعد لتسلم الملفات من البريد الممتاز
11	الأحد	8 / 11 / 1436 هـ	بداية العام الجامعي 1436 / 1437 هـ

بعض الاسئله المتكرره أحسها مهمة:- 

هل يوجد أولويه بالقبول بناء على تاريخ التقديم؟

ليس هناك أولوية في القبول بناء على تاريخ التقديم، وبالتالي لا يؤثر التقديم في أول يوم عن آخر يوم، طالما أنه خلال الفترة المحددة للتقديم والتي تبدأ هذا العام يوم الثلاثاء الموافق 6/ 9 /1436هـ لجميع التخصصات، وتنتهي في يوم الجمعة 9 / 9 /1436هـ للكليات الصحية التي تتطلب مقابلة شخصية، وما عدا ذلك تنتهي الساعة الثانية عشرة ظهرًا يوم الخميس 15 / 9 /1436هـ. هل الأولوية في القبول للحاصلات على شهادة الثانوية لهذا العام؟ الأولوية في القبول حسب النسبة المركبة وألا يكون قد مضى على حصولك على الثانوية أكثر من خمس سنوات هل تستطيع الطالبة استخدام نتائجها في اختبار القدرات والاختبار التحصيلي التي حصلت عليها الأعوام الماضية ؟ يحق للطالبة استخدام نتيجة الاختبار لخمسة أعوام. باقي الاسئله هنا القبول: الحمدلله إنقبلتي برغبتك الاولى الحمدلله مبروك.  > إنقبلتي لكن بقسم ماتبغينه أو جامعة ماتبغينها . عندك خيارين يا إنك تتكلين على ربك وتداومين وترفعين معدلك وإحتمال بعد مستوى تحولين تخصصك -جميل لكن مؤخراً ذا الحركه صايره صعبه أو إذا حولوك لقسم يكون بنفس الكليه مثال: خلصت التحضيري وأبغى برمجة لكن حطوني علم نفس -إحتمال احول لكن بنفس كليتي اللي هي التربيه وأخذ بدال علم النفس تربيه خاصه -ما اروح للبرمجة اللي بكليه الحاسب. لكن بعض الجامعات فيها تساهل المهم إعرفي جامعتك قبل تخططين تحولين وبعدين يطلع شي مستحيل ويضيع عمرك. ما إنقبلتي برضوا عندك حلول : ١-تنتظرين سنه وتاخذين بالقدرات والتحصيلي درجة أفضل عشان ترفع نسبتك وتعطيك فرصه زيادة. ٢-تاخذين دبلوم برسوم. ٣-منحة دراسية داخلية. ٤-تعليم عن بعد. خيارات غير الجامعات: ١-الكليه التقنية هنا ٢-معهد الادارة هنا ٣-معهد البيان النسائي لإعداد معلمات القرآن. وأخيراً الحمدلله آولاً وأخراً الموضوع لو شفتوه مختصر إلا إني تعبت فيه جد بدون مبالغه إسبوع وأنا احوس فيه أحذف وأضيف وأعدل واعصب وأسكر بس يالله أتمنى يكون مفيد وممتع وغني بالمعلومات .  -لاتنسوني من دعواتكم وأمي الله يشفيها ويقومها بالعافيه.-

Twitter: norena92Instagram: norena.92

تعليقاتكم تسعدني 💓💓