إختلاق
سؤالي الازلي ، هل هذا الشعور تلقائي مني أو أنا إختلقته لـ أُضيف الدراميه بحياتي؟غالبا تصرفاتي ما أفهمها كأي شخص طبيعي غير مهووس بتحليل شخصيته وإيجاد سبب لكل تصرف ، لكن الفضول عندي هو هل تصرفاتي تحكمها طبيعتي أو الرغبه العارمه بفصي الاقصى من الدماغ تحكمها؟
هل مشاعر الاشخاص إتجاهي من اللقاء الاول شي فعلاً واقع أو أنا خلقت مشاعرهم لي من نبرة صوتهم أو من نظراتهم ؟
على اي أساس نقول داخلنا إنو بياعه الكافتريا تحبني لانها تبتسم بوجهي متجاهله إنها طبيعة بشريه وتعبير فطري؟
تحسون الفكره بايخه لكن جد فكروا فيها . ليه لما احد يقول حر لاشعوريا احس بالحر ليه اذا شفت صوره قهوة أشم ريحة قهوة ليه إذا شفنا الدم بكينا وتألمنا؟
أعرف انو الخيال له حظ وافر بالموضوع لك يضل عندي سوال: هل هذا افعله برغبة دفينه أو لان تركيبي البشري يحكم علي أتصرف بذا النمط العشوائي بدون مبرر واضح؟
لما أحد يفاجئني بشئ هل ردة فعلي لاني جد مبسوطه أو لاني أبغاه ينبسط أو لاني ابغا أكون رهيبه بسناب؟
أقدر اقول كلهم بنفس الوقت لك اي واحد اكثر نسبه كلهم مهمين لي شخصياً لكن واحد هو الاساس الباقي عوامل مساعدة .
أطالع الساعه وتكون ٢ وانام واصحى وأرجع اطالعها الاقيها ٥ بعدين لو كنت مصحصحه لكن بما إني شفت كم ساعه نمت وبالنسبه لي اعتبرها قليله يجيني نوم لاشعوري وارجع انوم إجباراً ، لكن لو ما إكتشفت كم ساعة نمت إلا بعد وقت طويل ماراح تجيني رغبه في النوم .
مو قادرة انوم لاني جد مو عارفه اي سبب منطقي لهذي الاسئله طبعا ماعندي فضول لاي جواب لكن فضولي على اي اساس نختار الجواب؟ما اعتقد في جواب صح وجواب خطا لكن اعتقد هناك صحيح نسبي نظرا لمتطلباتي المصاحبه لسؤالي. ايش هي المتطلبات؟مدري.مشاعرنا وكلامنا و ردود الفعل مشاكلنا وزعلنا وجروحنا وألمنا وسعادتنا وفرحتنا ، إحنا خلقناهنا وأردناها أو هي أُجدت فينا؟
أحتاج أحد يجاوب علي.
ليست هناك تعليقات:
إرسال تعليق