طبخ| الرز المخلوط بالطريقة الأسيوية

صباح /مساء الخير .
يوم جمعة ممتع وجميل بإذن الله 💓
احس باخر الاسبوع مافينا نطبخ لكن نشتهي اكل بيت ، فلما فكرت احتاج اسوي طبخة سهله وماتاخذ وقت وتعتبر طبخ بيت بشكل حرفي- غير المكرونة -
والنتيجة كانت لما تسوي امي الله يخليها الغدا ترفع كمية منه بالبراد وتغلفه كويس ، بعدها لما اشتهي اكل اخذه واضيف له الخضار واللحوم والصوصات وماياخذ مني وقت .

اللي نحتاجه :
رز مسلوق - عادي لو باقي الغدا او بايت او مسلوق بمرق دجاج اهم حاجة مطبوخ وخالص.
صويا تقريبا بياله.
دجاج او فطر ويمكن نستبدله بقرص بيض مقطع شرايح.
خضار مثلا ذرة بصل ابيض فلفل رومي ملون فاصوليا فول عدس ..إلى آخره.
شوي زيت.
رشه ملح-فلفل اسود-كمون-زعتر بري والبهارات المفضلة عندكم .

الطريقة :
نضع الرز على المقلاة مع الزيت ونقلبه بشكل سريع حتى يسخن ونضيف له الخضار والدجاج المسلوق والصويا ونقلبه حتى يسخن و وممكن نرش عليه سمسم او نضيف زيت سمسم ونقدمة ساخن وبالعافية .

Twitter: norena92Instagram: norena.92

تعليقاتكم تسعدني 💓💓