أهلين يا صباح الخير ..
أخباركم ؟ انا عن نفسي اننتظر الاجازة الصيفيه 💔
احسني بإجازة مع الصيام يذكرني برمضان فأمس لما صمنا تسعة جاي ببالي اسوي مصابيب بالخضار مشتيه افطر عليها مع جبن مالح وعسل - صارت فطيرة صحية . تقريبا أعتبرها بانكيك الاولين-الاجداد-
المقادير :
رشه ملح
بيضة
م بكيج باودر
م سكر - إستبدلته بـ ستيفيانا
بعدين هذي المقادير حسب إحتياجك:
حليب بودره إستخدمت حوالي ٤ فناجيل قهوة
دقيق بر إستخدمت حوالي ٨ فناجيل قهوة
مويه تقريبا كوبين ونصف ومع التحريك اضيف شوي -المويه ضروري تكون باردة عشان ما تخرب العجينه-
القوام يكون مائل لسيلان - ينصب مو ثقيل يتشكل-
هذي الطريقه الاساسيه
بإمكانك تضيفي بهارات(إختياريه):
قرفه - دارسين
زنجبيل
فلفل اسود
كمون
زعتر بري
خضار:
فلفل حار
ملفوف ملون
فلفل بارد ملون
بصل ابيض-احمر
بقدونس
نعناع
جزر
كوسه مبشورة
طريقه الطبخ:
كان عندك جهاز المصايب أو الباننكيك ينفع تسويها فيه لكن لازم يكون سااخن ، إذا مو متوفر ينفع بصاجه عاديه ونشكلها دوائر أو بقلايه بيض صغيرة ونسوي فيها قرص قرص - افضل بالقلايه اذا كان فطور لانو بيكون قرص شوي كبير ينفع فطور .
تقدم مع :
عسل
قشطه
جبنه مالحه
لبنه
وهذي الأكله تنفع فطور أو عشاء خفيفيه جداً ومفيدة وتنفع نقدمها مع القهوة العربيه.
وأيضاً تناسب النظام الغذائي اللي كلمتكم قبل عنه :
حياة صحية #٣٠يوم_بدون_سكر
وبالعافيه..،
Twitter: norena92
Instagram: norena.92
تعليقاتكم تسعدني 💓💓
ليست هناك تعليقات:
إرسال تعليق