أشكال الجسم والطريقة الصحيحه للقياس+مشكله ثبات الوزن +هديه #٣٠يوم_بدون_سكر

صباح الخير ،
التدوينه مكرره نوعاً ما لكن أحس مهم تكون موجودة بالمدونه لاني افكر بسلسله #٣٠يوم-بدون-سكر إنها تكون شامله للاساسيات ،


بدايه:-
معرفتنا بنوع الجسم وشكله راح يسهل علينا تحديد المنطقه الي تحتاج رياضه او شد(وهذا سبب طرحي لذا الموضوع) وبنفس الوقت راح نعرف كيف نخفي هذي المنقطه باللبس ونقلل بروزها ونوازن بشكل الجسم ، كل نوع من أشكال الجسم له مميزات مثل ماله عيوب فلما نعرف أجسامنا نحاول نغطي علىعيوبها ونبرز جمالها ولمعلومات أكثر حول الموضوع إبحث بقوقل لكن بإختصار أشكال الجسم بشكل عام اربع  انواع :

١)ساعه رمليه : توازن بين الارداف والصدر والخصر أصغر منها. تميل للإمتلاء في الجزئين العلوي والسفلي وذلك نتيجه لزيادة نشاط الغدة الدرقيه ف محيط الصدر ومحيط الارداف-الورك متقاربان جداً ، ويعتبر جسم مثالي.
 قياساته:
١- الاكبر قياس -الصدر/الارداف
٢-الاصغر منها الخصر

تمارين نحتاجها بذا الجسم : أحس الجسم متناسق مانحتاج نركز على منطقه معينه التمارين الشامله راح تفيده + الجري 

٢)كمثرى-مثلث : الارداف أكبر من الصدر والخصر أصغر منها.وذلك نتيجة نشاط الغدة التناسليه يميل هذا الجسم بتخزين الدهون في المؤخرة والورك والارداف . "يعتبر عند الاغلب جسم أنثوي"
قياساته:
١-الاكبر الارداف.
٢-بعده الصدر
٣-الاصغر الخصر ويكون بارز جداً

التمارين اللي يحتاجها: تمارين للجزء السفلي-سكوات بالاهم والجري لانو هذا الجسم معرض لسيلوليت بقووه
+تمارين لعضله الصدر نحتاج نبرزه ويكون ممتلئ .
+تمارين للخصر شد طبعا عشان يعطي جماليه أكثر للجسم . 

٣)تفاحه-البيضاوي : الخصر أكبر ثم الارداف وأخيراً الصدر. والدهون غالباً تتركز في الخصر .نتيجة زيادة نشاط الغدة الكضريه .
قياساته:
١- الخصر أكبر
٢-الارداف واحيان تكون مساويه للخصر .
٣- الصدر أصغر

تمارين نحتاجها:
تمارين نحت للخصر + تمارين لظهر
تمارين لعضله الصدر وإبرازها .
تمارين سكوات -نحتاج نبرز المؤخره .

٤)المستطيل-الموزه : جميع الاجزاء متساويه (الخصر -الصدر- الارداف). نشاط في الغدة النخاميه والدرقيه.
المقاسات:
متساويه تقريبا وإن إختلفت يكون الاختلاف بسيط جداً .

التمارين:
تمارين إبراز للخصر +تمارين شامله أو جري.

٥)فراوله-مثلث معكوس : الصدر أكبر ثم الخصر ثم الارداف.

مقاساته:
١-الصدر أكبر
٢- الخصر أقل
٣-الورك أصغر أو مساوي للخصر .

تمارينه:
تمارين للمؤخره وزيادة حجم الجزء السفلي.ـسكوات .
+جري وتمارين شامله .


هذي الاشكال الاساسيه ..والاشكال الفرعيه مندرجه تحتها ف ما أدرجتها هنا .


مافائدة ذكرك لغدد؟
بكل بساطه ابتعد عن الاكل المنشط للغدة عشان أمنع تكدس الدهون بالمنطقه التابعه للغدة .



كيف أعرف شكل جسمي؟ والطريقه الصحيحع للقياس؟
ناخذ القياسات بالمتر سواء تبي بالسانتي -الافضل- أو بالانش براحتك أهم شي ماتجمع بينهم .

١- الكتف
٢-محيط الصدر - أفضل نعتمد على محيط الصدر لكن إذا كان الصدر كبير c ناخذ بداله الكتف . 
٣-الخصر - من فوق السره ب ٢سم
٤-الورك- بأعلى منطقة ممتلئه .
وأخيراً نقارنها بقياسات الاشكال فوق .
-أتوقع الصوره موضحة كيف ناخذ القياسات ف ماراح اشرح ذا النقطه - لكن مهم مانشد المتر نخليه مرتاح عشان تطلع لنا القياسات مضبوطه ونستفيد أكثر .



هل التمارين اللي حددتها جد أو من راسي؟ طبعاً من راسي يعني فكروا فيها شوي إذا خصري معدوم كيف اعالج الموضوع؟ أحاول اكبر الجزء الاعلى منه والاسفل منه عشان يطلع لي خسر ، الموضوع يحتاج شوي فكر ومنطق لا أكثر .



مهم:
الهدف من الموضوع مو التنحيف لا الهدف منه ترتيب الجسم وتقريبه لشكل المثالي (الساعه الرمليه) . معجبك جسمك مايحتاج نحوله لساعة رمليه لكن تحتاجين شد وتمارين لزيادة مرونتك هذا شي مهم .


الجزء الثاني من الموضوع :

مشكله ثبات الوزن .
هذي مشكله كبيره يعاني منها ناس كثير ولها سببين :
١) نزول معدل الايض - وهنا أنصحكم تشوفوا اخوانناالرياضيين يشرحونها لكم بالتفصيل. 
لكن بإختصار المشلكه هذي غالبا تكون للاشخاص اللي نظام اكلهم مو كويس(حرمان) أو يسوو رجيم ومن يوصلون للوزن المطلوب يرجعون بسرعه لنظامهم الطبيعي هنا الايض ينصم من التغيرات هذي ويضل نازل مايرتفع مع إرتفاع السعرات
(السعرات والايض نسبهم طرديه  يرتفعون مع بعض وينقصون مع بعض لكن التخبيض بالاكل يخلي الايض يستقر ولا يرتفع مع السعرات) ولحل هالمشلكه إسألو الرياضين مثل ماقلت ماعندي خبره صراحه .



٢) تعويض الدهون بعضل-هذي تصير للأشخاص الرياضيين أو اللي يمارسون رياضه ف لما يقيسون وزنهم بالميزان يطلع نفس الوزن لكن بنفسه يحس جسمه متغير هنا السبب مثل ماقلت أنو راح دهون وجاي بداله عضل لكن لو كانت تاخذ قياساتها بالمتر راح تلاحظ إختلاف القياسات ونزول الدهون وأماكن زيادة العضل . وهذا سبب كوني كاتبه بالعنوان(الطريقه الصحيحه لقياس الجسم) .



أخر شي الهديه ترااااااااااق١ق٣ق٤ق٥ق٧٦٦ق٨٩ق٩٣٨

إحتفظوا بهذا الجدول ودونوا عليه قياساتكم الاسبوعيه. أفضل يكون القياس كل إسبوعين . 

ملاحظه: الموضوع تعبت جد عليه بدون مبالغه من ١١ الصباح للحين ـ٤:١٨ وانا على الجهاز تخيلوا قد ايش ضيعت وقتي وانا مبسوطه عشانكم ،كل هالمعلومات أعرفها ما أحتاج ادونها لكن لاني متأكده في بنات يحتاجونها نزلتها ،

فلو إستفدتي لو نقطه وحده علموني حسسوني بتفاعلكم .

إنشروها بأي مكان +التعليق أضفت صندوق يتيح لك الرد بأكاونت أي تطبيق سواء تويتر بلوق فيس بوك كله كنت أتمنى تفاعلكم .

دعواتكم الله ييسر إختباري بكرا . أتمنى التدوينه كانت مفيده وبإذن الله التدوينه القادمه بتكون عن التمارين مع الصور أو فيدوهات .