هاي صباح الاجازة الممتعه /
أخباركم مع البرد دخلتوا سبات شتوي؟ أنا طول حياتي سبات عشان كذا ما فرقت معاي صيف ولا شتاء ق١١
كنت افكر اشاركم رأيي بعض الافلام الانميشن
، فجاي ببالي عدة افلام وطرق وافكار لكن حاليا ببدا بالاسهل واذا شفت إقبال راح أعتبرها سلسله توصيات ـ تحمست من الحين ـ
فلمنا هو Escape from Planet Earth 2013 طبعهاً الاسم مشوق والبوستر مشوق أكثر ، طحت على الفيلم بأحد ايام هوس التحميل اللي تجيني بأيام الاختبارات وشفته مررره أعجبني قلت احتمال نفسيتي ذاك الوقت بعدها بفتره عدته ونفس الشعور عاد اليوم كنت بتأكد من شعوري ورحت عدته من جديد وإكتشفت إني متحمسه أكثر من أخواني هههههه
قصه الفيلم:
الكوكب الجميل المتطور"باب" وسكانه الزُرق اللطيفين وبطلهم المحبوب المنقذ"ستكورش" اللي هو بالحقيقه ساذج أو غبي بالاصح وإستعراضي جداً ومتهور ، وسبب نجاحه أخوه الكبير"غاري" مهووس الكمبيوتر . وإهما فريق - ثنائي- طبعا غاري شغله كله خلف الكواليس والكل مستحقر إمكانياته حتى هو نفسه مقلل من قدرته بحذره وتخوفه الدائم لكن يتغير الحال ويحتاج يتغير من نفسه تابعوا الفيلم قبل لا أحرقه عليكم ..
صفحة الفيلم في IMDb
رأيي بالفيلم بشكل عام:
ممتع حماس ورهيب طبعاً مافيه إعتقادات أو خرافات وهذا اكثر شي اعجبني الخيال فيه جميل والاجمل انه علمي يعني لما افكر اقول احتمال بعد ٥٠ سنه نوصل لذا المرحله ، من أول الفيلم لأخره حماس جداً تنوع الشخصيات جميل مرره ، عيبه الوحيد مشاهد القُبلات المتكرره -ـ-" لكن سهله بإمكانك تقدمها وخلاص - هذا السبب اللي خلاني اتردد بعرض الفيلم للاطفال .
تقيمي له ٩٪١٠ - قلت السبب قبل -ـ-"
وهذي بعض الصور التشويقيه :
متابعه ممتعه .،
ليست هناك تعليقات:
إرسال تعليق