مساكم موية ورد يا ورد🌸
تدوينه لطيفه مليانه ورد وريحتها كويسه مررره ق١
مويه الورد معروف قد أيش فوائدها الجماليه للبشره والجسم ولذيذة كإضافه بالاكل . بقولكم علاقتي مع مويه الورد. مويه الورد العاديه (مويه ورد طائفي \موية ورد إيراني...إلخ) اللي من السوبر ماركت والعطاره مو اللي تكون مخلوطه مع مواد ثانيه زي الجلسرين وكذا ..
من كنت صغيرة كنت أحبها بقووه لدرجة أمي تخبي العلب لاني أشربها مباشره كنها مويه عاديه هههههه فلما بديت أطبخ أستخدمتها ك إضافات لطبخي لدرجة أذكر سويت نسكافيه مع مويه الورد هههههههههه لا بعد كان عندي ضيوف تخيلوا أشكالهم مافي غيري مستمتع بالنكهه ، لما كبرت شوي عرفت إنها تستخدم للبشرة فسحبت على إستخدامها بالاكل وصرت أحطها مباشره ببشرتي مع أني ما كنت أعرف ليه اساسا تنحط؟؟ بس يقولوا حلوه وانا احبها حسيته سبب كافي وكنت أستخدم حقه الطبخ مو مخصصه للبشره وأحطها بقطنه وأمسح وجهي ، بعدين إكتشفت إنو في أنواع للبشره وتكون بخاخ وصرت أشتريها كانت أريح من القطن ومنعشه أكثر لكن حقيقه مالاحظت إختلاف ببشرتي فصرت أشتري علب بخاخ وأعبيها مويه ورد طبيعي كل فتره وأخذت لي علبه صغيره لسفر
ملاحظاتي من إستخدام مويه الورد:
يعطي شعور بالانتعاش لما أذاكر واصدع أروح أحطه وأحس نفستي تحسنت كني أسبح ف بانيو كله ورد منعش منعشش✨ وبعد يسكر المسام لكن بما إنو بشرتي دهنيه فلمده مو طويله ويشد البشره وتحسين وجهك صحي لامع أكيد تعرفون هذي النتايج من إستخدام مويه الورد لكن اللي جد إستغربته هو إنو موية الورد ممتازه للحكه متخيلين؟؟ كذا تقرصك نامس حطي مويه ورد وتحسين ببرود بالمكان ومافي حكه نفس الشي إذا فيك حساسيه أو شي فجاء صارت بشرتك تحك طبعا كيف عرفت شفت فيلم وسو هذي الطريقة حسيتها مبالغه شوي لكن لما جربتها جداً مرييحه بس كل ما رجعت الحكه إرجعي حطي . وسعرها رخيص من تقريباً ٧-٢٠ ريال موجودة بكل مكان وأفضل لك إختاري شركة منتجاتها طبيعيه ، وحلو مرره بالاعياد لما تتعب بشترك من الميك اب والمزيل إستخدمي موية الورد بديل لمزيل الميك أب .
أما لو تبغون تشربونه أحس أفضل طريقه -مو تحطونه مع النسكافيه ههههههه لالا كم قطره موية ورد وحطوها مع علبة المويه حقتكم تحسونها تحسن المزاج مررره.
كنت بحط لكم فوآئد مويه الورد لكن أحسه أشهر من نارٍ على علم .
ليست هناك تعليقات:
إرسال تعليق