مساء الخير ، مازلنا بسلسلة #تحدي_التدوين
تدوينه اليوم تحمل فكرة " نقطة تحول وتغير بحياتك " طبعا فكرت كثير بالتغير الايجابي لحياتي لكن وقفة لماذا التغير يجب يكون إيجابي؟ لفظ التغير يحتمل التغير الايجابي والسلبي .
الجامعة وكلام الناس عليها ..
لما كنت بالثانوي كانت أكثر جملتين أسمعهم عن الجامعه هم ١- المرحلة الجامعية أكثر مرحله دارسيه . ٢- إنبسطي قبل تدخلين الجامعة .
الجملتين عكس بعض وإحترت من أصدق . لكن بعد الممارسه إكتشفت إن كلهم صحيحين ولكن بشكل نسبي . طبعا يعتمد على الشخصيه والتخصص .
كيف الجامعة نقطة تحول بحياتي ؟
ببساطه كونك دخلت مرحلة تتطلب منك إجباراً إنك تكون ناضج وواعي ومتحمل مسؤوليه نفسك هذا راح يكون أكبر تطور بحياتك الانتقال من الطفولة أو المراهقة لطور النضج . انتقالك لجامعة تسمح لك بممارسة طقوسك الانثويه كاملة من تسريحات وميك أب وملابس ....إلخ .
طبعا هذا راح يغير فيك كثير كونك راح تطلع بالشكل المفضل عندك بدون مراقبه تلاحقك وتعطيك مخالفات - صح في مخالفات لكن مو مقارنه بالمدارس للامانه- دايم أحس الاسلوب الجامعي يخلي الطالب يعتمد على نفسه يحاول يثبت نفسه بكل شي وهذا مع إنه متعب إلا إنه شي جيد
التجارب الجامعية لها قيمة الاندماج مع شخصيات مختلفه بشكل كبير أعتبره أكبر مكان وأفضل مكان لتطوير النفس ، لما تطر تتعمل مع أشخاص مختلفين وشخصيات مناقضه لك راح تطر تقاوم الاختلافات وتوصل لنقطه إتفاق لدرجة تكبح نفسك بدون ما تحس .
الحياة الجامعية قطعه من نعيم مبطنه بقطه من جحيم ما أعرف كيف اشرح الفكره لكن في جوانب مريحه جدا وجوانب مهلكه ومن أشدها الضغط الدراسي اللي يأثر على إهتماماتك ومرات تفقد ذاتك بين كتبك الدراسيه وبحوثك ومشاريعه الغير منتهيه .
أيش هو التغيير بحياتي؟
ببساطه بديت أميز المهم والاهم ، قراراتي تطورت وصرت أحرص على مصلحتي أكثر . تطورت شخصيتي وقل ترددي نفوري من الاجتماعات والتعامل المباشر مع الغرباء تقريبا إختفى . الحمدلله دائما وأبدا الجامعة قد ماهي مهلكه ومتعبه قد ماهي تطورك بدون ما تحس الدكتورة أم تكاليف مزعجة هي الوحيدة اللي تصقل مهارتك وتطورها لما تتوظفين تحمدين الله إن لك خبرة سابقة - بالكرف - لسا ما توظفت لكن مازلت مؤمنه إن هذي التجارب القاسيه راح أستفيد منها بمستقبلي بإذن الله.
ليست هناك تعليقات:
إرسال تعليق